martedì 8 novembre 2011

Fibrilacioni Atrial

Fibrilacioni atrial eshte forma me e zakonshme e aritmise. Prek shume persona. Fibrilacioni atrial eshte me i zakonshem tek te moshuarit, persona me presion te larte te gjakut, dhe persona me semundje te tjera te zemres. Mund te çoje ne probleme serioze te shendetit siç eshte stroke cerebral (infarkt) , keputje dhe insuficience kardiake. 

Cfare eshte fibrilacioni atrial?
Fibrilacioni atrial ndodh kur impulset elektrike qe bejne qe zemra te rrahe ne menyre te rregullt behen te çorganizuar dhe bejne qe zemra te rrahe ne menyre te çrregullt ose shpesh shume shpejt dhe me pak force. Pulsi i çrregullt mund te ndihet ose mund te shihet ne nje elektrokardiograme. Nje elektrokardiograme (EKG) eshte nje regjistrim i aktivitetit elektrik te zemres qe kryhet me ane te elektrodave (perçues elektrik) te vendosur ne superfaqe te lekures, zakonisht ne secilin krah dhe kembe dhe ne kraharor.

Fibrilacioni Atrial


Ne nje EKG normale, aktiviteti elektrik i zemres paraqitet me disa devijime (komplekse te ndryshme) me ritme te rregullta. Ne nje personi me fibrilacion atrial, devijimet nuk jane te rregullta dhe shpesh here jane te aferta njera me tjetren, gje qe tregon nje rrahje zemre te shpejte. Fibrilacioni atrial ul efikasitetin e pompimit te zemres. Gjithashtu rrit rrezikun per mpiksjen e gjakut brenda ne zemer. Copeza gjaku te mpiksura mund te shkeputen dhe te shkojne ne zona te tjera te trupit, perfshire ketu trurin ku mund te shkaktojne stroke cerebral (infarkt).

Simptomat
Disa persona me fibrilacion atrial mund te mos kete simptoma. Te tjere raportojne nje ndjesi te te rrahurave te zemres ose mund te kene bezdi ne gjoks dhe marrje mendsh. Disa persona zhvillojne nje veshtiresi te menjehershme dhe te rende te frymemarrjes.

Trajtimet e mundshme
Dy gjerat me te rendesishme te trajtimit jane ngadalesimi i frekuences se te rrahurave per te permiresuar funksionin e pompimit te zemres dhe perdorimi i ilaçeve antimpiksje per te parandaluar stroke.
- Beta bllokuesit dhe bllokuesit e kalciumit jane ilaçe qe ngadalesojne frekuencen e zemres.
- Warfarin dhe aspirina jane hollues te gjakut. Warfarin eshte me efikas ne parandalimin e stroke por mund te shkaktoje gjakderdhje dhe kerkon nje monitorim te kujdesshem.
- Kardioversioni elektrik eshte nje procedure qe mund te riktheje ritmin e rregullt ne pacientet me simptoma te renda. Pacientit i kryhet anestezi dhe i jepet nje shkarkim elektrik ne zemer.
- Procedura te tjera perfshijne kirurgjine ose perdorimin e nje kateteri (tub qe vendoset ne zemer me ane te eneve te gjakut) dhe perdoren per individet me simptoma te renda.

JAMA 2003; 290: 1118
 
[Informacionet e paraqitura ne keto shkrime jane te pershtatshme per shumicen e rasteve por nuk mund te zevendesojne kurre nje diagnoze mjeksore dhe kurrsesi nuk duhet te jene shkas per te ndermarre nje iniciative vetjake per te filluar nje terapi ose nderhyrje . Per nje informacion me te plote mbi gjendjen tuaj shendetsore , ju keshillojme ti drejtoheni mjekut tuaj. Kete faqe mund tua jepni  pacienteve tuaj per qellime informative mbi fibrilacionin atrial.]